ხვიჩა კვარაცხელიამ საბერძნეთის ნაკრებთან მატჩში, რომელიც 1:1 დასრულდა, შესანიშნავი შთაბეჭდილება დატოვა და მრავალი გუნდის სკაუტი, კიდევ უფრო დააინტერესა.
ხვიჩამ ამ მატჩში – 1 გოლი გაიტანა, ასევე – 7/10 წარმატებული დრიბლინგი – 11/20 მოგებული ორთაბრძოლა – 3/3 წარმატებული ვარდნა – 2 ზუსტი ჩაწოდება – 1 საკვანძო პასი – 54 შეხება ჰქონდა და ორივე გუნდის მხრიდან საუკეთესო იყო.
გამოცემა gazzetta.gr-სთან, შეხვედრა საბერძნეთის ნაკრებისა და ოლიმპიაკოსის 27 წლის მცველმა ანდრეას ბუხალაკისმა შეაფასა, რომელმაც განაცხადა, რომ მის გუნდს ძალიან გაუჭირდა.
„მატჩის დაძაბული ხასიათიდან გამომდინარე, ჯერ კიდევ ვერ ვხვდები, რა დაგვაკლდა. იოლი თამაში არ ყოფილა, საქართველოს ნაკრებმა საქმე გაგვირთულა. მომენტები საწყის 25 წუთში გვქონდა, რის შემდეგაც მეტოქემ თამაში გაათანაბრა. ანგარიში ავტოგოლით გავხსენით, მაგრამ ემოციების ფონზე ჩამოგვეძინა და მათ გათანაბრების საშუალება მივეცით.
ჩვენი მიზანი უცვლელია და მის მისაღწევად ბოლომდე ვიბრძლებთ. ვფიქრობ, 30-ე წუთის შემდეგ ავნერვიულდით, მაგრამ დიდი საფრთხე არ გვემუქრებოდა. ვიცოდით, რო მნიშვნელოვანი იყო კარის მშრალად შენახვა, რაც არ გამოგვივიდა. ბრძოლას გავაგრძელებთ“, – განაცხადა ბუხალაკისმა.
