მსოფლიოს 2022 წლის ჩემპიონატის შესარჩებვი ეტაპი საქართველოს ნაკრებმა სამწუხაროდ შვედეთთან მარცხით დაიწყო. ბევრისთვის მოულოდნელად თავისი სასტარტო მატჩი ვერ მოიგო ესპანეთის ნაკრებმაც, რომელიც ჯგუფში ჯვაროსნების მეტოქეა და ვილი სანიოლის გუნდსაც 28 მარტს დაპირისპირება სწორედ მათთან მოუწევთ.
ესპანეთის ნაკრებმა საკუთარ მოედანზე საბერძნეთი მიიღო და ოდენ ქულას გამორჩა. მატჩი ფრედ 1:1 დასრულდა.
თავისთავად, შედეგით იმედგაცრუებულია ესპანელთა მთავარი მწვრთნელი ლუის ენრიკე.
„ბერძნები თავს კარგად იცავდნენ, მაგრამ ამის მიუხედავად ფრე მაინც ალოგიკურად მიმაჩნია. მოგებას ვიმსახურებდით.
ისე, ყველა მატჩს ახლავს თან თავისი სიძნელეები. ამ შემთხვევაში ჩვენთვის გადაულახავი მეტოქის დაცვითი ბარიერები გამოდგა. მატჩის დასკვნით პერიოდში თვითდაჯერება და მხნეობა არ გვეყო.
ფრის შეფასება ჩემი საქმე არ არის. კიდევ ერთხელ გავიმეორებ, რომ ეს შედეგი ლოგიკურად არ მიმაჩნია“ – აღნიშნა ლუის ენრიკემ.
