ესპანეთის საკალათბურთო ჩემპიონატის Liga ACB-ს 26-ე ტურში გიორგი შერმადინის ტენერიფემ კონერ ფრენკამპის მურსია 85:78 დაამარცხა.
საქართველოს ნაკრების ლიდერმა პარკეტზე 25 წუთი გაატადა და მის ანგარიშზე 14 ქულა, 2 მოხსნა და 1 დაფარება იყო. მან 8-დან 5 ორქულიანი და 5-დან 4 საჯარიმო ჩააგდო. რაც შეეხება ფრენკამპს, მან სერბეთთან მიღებული ტრავმა ვერ მოირჩინა.
მურსიასთან გამართული მატჩიდან გამომდინარე შერმადინის ეფექტურობის კოეფიციენტია 19 და ამ მხრივ ქართველი მეორე ადგილზე გავიდა, პირველ პოზიციაზე გასული უერტასის ეფექტურობის კოეფიციენტმა 27 შეადგინა.
ტენერიფემ ესპანეთის ჩემპიონატის მიმდინარე სეზონში 24-დან 19 მატჩი გამარჯვებით დაასრულა და მესამე ადგილს იკავებს. შერმადინის გუნდი შემდეგ ტურში, 28 მარტს, საკუთარ დარბაზში ვალენსიას დაუპირისპირდება.
