რიგით 33-ე ეროვნული ჩემპიონატი ფეხბურთში თბილისის „დინამოს“ და წყალტუმოს „სამგურალის“ მატჩით გაიხსნა. ნიშანდობლივია, რომ ეს ორი გუნდი ერთმანეთს ისტორიის მანძილზე მეოცედ დაუპირისპირდნენ.
ფავორიტად ბუნებრივია „დინამო“ ითვლებოდა, მაგრამ ფავორიტის სტატუსი ვერ გაამართლეს. წყალტუბოელები უმაღლეს ლიგაში თამაშს ჩვეულნი კი არიან, მაგრამ ამჯერად დინამო არენაზე მეორე ლიგიდან აღზევებულის რანგში წარსდგნენ.
„სამგურალმა“ ეროვნულ ლიგაში დაბრუნებაც წარმატებით დაიწყო. თბილისის „დინამოსთან“ ფრე ვგონებთ ცუდი შედეგი არ უნდა იყოს.
ისე, „სამგურალს“ სულაც მოგება შეეძლო. პირველ ტაიმში სერგო კუხიანიძის გოლით სტუმრები იგებდნენ და სენსაციასთანაც ახლოს იყვნენ, მაგრამ 71-ე წუთზე გიორგი გაბედავამ წონასწორობა აღადგინა. მატჩი ფრედ – 1:1 დასრულდა.
