ძალოსნობა ზაფხულის ოლიმპიური თამაშების პროგრამიდან ამოღების ზღვარზეა. საერთაშორისო ოლიმპიური კომიტეტის პრეზიდენტი ტომას ბახი ძალზედ აღშფოთებულია და არ გამორიცხავს, რომ თუ გონს არ მოეგებიან გულშემატკივარი პარიზის 2024 წლის ოლიმპიადაზე ძალოსნებს ფიცარნაგზე ვეღარ იხილავს.
შეგახსენებთ, სოკ-სა და ძალოსნობი საერთაშორისო ფედერაციას შორის შავმა კატამ 2017 წელს გაირბინა, როდესაც სპორტის ამ სახეობაში დოპინგის გამოყენების შემთხვევები გახშირდა და არაერთი სპორტსმენი დაისაჯა.
ურთერთობის დაძაბვის მიზეზი მხოლოდ დოპინგი არ ყოფილა. სოკ-ს ფედერაციის მმართველობაში არსებული ხარვეზები არ მოსწონდა, რასაც კორუფციული გარიგებებიც დაემატა.
მოკლედ, ტომას ბახმა ძალოსნებს ყვითელი ბარათი აუფრიალა.
„მიუხედავად არაერთი გაფრთხილებისა ძალოსნობის საერთაშორისო ფედერაცია ჩვენ მოთხოვნებს ყურად არ იღებს და იგნორირებას აკეთებს. ფედერაციის მმართველობაში უამრავი პრობლემაა და ვერც ცვლილებებს ან ამის სურვილს ვამჩნევთ.
ამიტომ, თუ ვითარება დროულად არ გამოსწორდება, სოკ-ის აღმასრულებელი საბჭო განიხილავს ძალოსნობის პარიზის 2024 წლის და შემდგომი თამაშებიდან ძალოსნობის ამოღების საკითხს“ – აღნიშნავს ტომას ბახი.
