ეს პირველი შემთხვევა არ არის, როდესაც ამა თუ იმ გამოჩენილ სპორტსმენს ყოფილი ცოლი ან შეყვარებული ძალადობაში ადანაშაულობეს. შორს რომ არ წავიდეთ, ნიკოლოზ ბასილაშვილის ირგვლივ განვითარებული სკანდალიც კმარა, რომლის შემდეგაც ჩვენებური მეჩოგნის საქმე უკა-უკან წავიდა და აგერ უკვე წელიწადზე მეტია რეგრესს განიცდის.
იგივე დღეში აღმოჩნდა ალექსანდრე ზვერევიც. ადრეც ვწერდით, რომ გერმანელ ჩოგბურთელს, აწ უკვე ყოფილი მეგობარი გოგონა ოლგა შარიპოვა ცუდად მოპყრობაში სდებდა ბრალს. თავად ზვერევი რა თქმა უნდა ყველაფერს უარყოფს და შარიპოვას ცილისწამებაში ადანაშაულებს.
აი რას ამბობს ოლგა შარიპოვა.
„იმ დღეს მეგობართან ერთად ვსეირნობდი. სახლში მისვლა ოდნავ შემიგვიანდა და საშაც სწორედ ამან გააბრაზა. ჩვენ საშინლად ვიჩხუბეთ. გამოგიტყდებით და ჩხუბს ყოველთვის არაფრის გამო ვახერხებდით.
ის მიყვიროდა და ფიზიკურადაც შემეხო. ხელებს მიგრეხდა და შემდეგ ბალიშით ჩემი მოგუდვაც სცადა. ამის შესახებ ინსტაგრამშიც დავწერე. ნომრიდან გაქცევა ვცადე, მაგრამ ამის უფლებას არ მაძლევდა. ბოლოს როგორც იქნა მას დავუსხლტი და გარეთ ფეხშიშველი გამოვიქეცი.
ამ ამბის გამხელას ადრეც ვაპირებდი. ისე დამეთხვა, რომ მისმა ყოფილმა გოგონებმაც ხმაურიანი განცხადებების კეთება დაიწყეს. მას ყველაფერი ბუმერანგივით უკან დაუბრუნდება“ – ამბობს ოლგა შარიპოვა.
ვერაფერს ვიტყვით, არასასიამოვნო ბრალდებაა. მოკლედ, ალექსანდრე ზვერევს საქმე ჭაკად აქვს.
