დინამო თურქეთიდან მაჟორულ ნოტაზე მოდის

თბილისის „დინამომ“ თურქული შეკრება გამარჯვებით დაასრულა. გიორგი ნემსაძის შეგირდებმა ბოლო ამხანაგურ მატჩში უკრაინული „ვერესი“ 3:2 დაამარცხეს.

რა თქმა უნდა კარგია, როდესაც ახალი სეზონის წინა შეკრებას მაჟორულ ნოტაზე ასრულებ, მითუფრო, რომ წინა ამხანაგური მატჩების უმეტესობა წაგებული გაქვს.

შეგახსენებთ, „დინამომ“ ანტალიურ შეკრებაზე 8 მატჩი გამართა და აქედან 5 წააგო, 1 ფრედ ითამაშა და ორჯერ მოიგო. პირველი გამარჯვება „დინამომ“ სერბულ „ნაპრედნაკთან“ მოიპოვა 1:0, დღეს კი უკრაინული „ვერესი“ დაამარცხა.

გოლები მოისწრაფიშვილმა, ახვლედიანმა და კუციამ გაიტანეს.

შეგახსენებთ, საქართველოს ეროვნული ჩემპიონატი 27 თებერვალს აიღებს სტარტს.