„დინამო სოხუმის“ დირექტორთა საბჭოს თავმჯდომარე და ახლა უკვე მთავარი მწვრთნელი, დავით თაქთაქიშვილი სოციალურ ქსელში კლუბში არსებული მდგომარეობის შესახებ განცხადებას ავრცელებს.
„დინამო სოხუმის“ ვაჟთა გუნდში ცვლილებები გვქონდა… მოვიყვანეთ შესანიშნავი ფეხბურთელები და კვალიფიციური მწვრთნელები… გვქონდა იდეა, რის გარშემოც ვერთიანდებოდით. მიზანი გვქონდა, ახალგაზრდა ფეხბურთელებისთვის სწორი გზა მიგვეცა და კლუბის ბირთვი 16-17 წლის ბიჭებით დაგვკომპლექტებინა.
გავიარეთ მოსამზადებელი ეტაპი, ყველაფერი გეგმის მიხედვით მიდიოდა, მაგრამ ერთი კვირის უკან კლუბს შეექმნა სტადიონის პრობლემა. ძალიან ბევრს ვეცადეთ, რომ ეს პრობლემა მოგვეგვარებინა, მაგრამ ამაოდ… როგორც გამოჩნდა და დავინახეთ აზერბაიჯანში უფრო გონიერი ხალხი ცხოვრობს და სახემწიფობრივად აფასებენ თავინთ ეროვნულ ინტერესებს. ჩვენს ქვეყანაში კი “დინამო სოხუმისთვის”, რომელსაც 97 წლიანი ისტორია უმაგრებს ზურგს და არის დევნილი გუნდი ოკუპირებული აფხაზეთიდან, ყურადღებას არავინ აქცევს. ჩვენს წარმატებასააც ბევრი სასიკეთო ძვრები უნდა მოჰყვეს, მაგრამ უსტადიონოდ ავღმოჩნდით. გუნდი, რომელიც სოხუმის სახელს ატარებს, არავინ ინტერესდება. სწორედ ამიტომ ვთქვი, რომ აზერბაიჯანელბმა გვაჯობეს. სახელმწიფოებრივ აზროვნებაში კი ვგულისხმობ, ყარაბაღს. მწყინს, რომ დღეს დღეს “დინამო სოხუმის” უსტადიონობა არავის ადარდებს და ყველა არენის კარი ჩვენი გუნდისთის დაკეტილია.
გუნდი, რომელზეც ვსაუბრობდი ამ პრობლემების გამო დატოვეს ფეხბურთელებმა და მწვრთნელბმაც. მინდა იმ ფეხბურთელებს ყოველივე კარგი ვუსურვო. აქვე ვიტყვი, რომ მოვა დრო და იმ ბიჭების სახელს ყველა გაიგებს, რადგან იქ ქართული ფეხბურთის მომავალს ვხედავ!
ყველა ამ ფაქტის გათვალისწინებით მოგვიწია გუნდის ფორსმაჟორულ სიტუციაში შეკრება. მიუხედავად იმისა, რომ არავის აინტერესებს “დინამო სოხუმს” ეყოლება თუ არა გუნდი, მათ მივმართავ – ჩვენ აუცილებლად ვიქნებით საკმაოდ ძლიერი კლუბი! ამ ფორსმაჟორულ სიტუციაში, მაქვს პატივი, რომ 2022 წლის სეზონში “დინამო სოხუმის” მთავარი მწვრთნელი ვიყო…
ყველა სტადიონის კარები ჩვენთვის დაკეტილია, რადგან არ გვაქ შესაბამისი დაფინანსება, რომ სტადიონის იჯარა გადავიხადოთ. ხშირად უთქვმთ – რატომ წვალობთ ტყუილად, როცა ფული არაა, ან მოგვეძებნა სხვა საქმე, სადაც ფული იშოვება. ამას მხოლოდ ის ადამიანები ამბობენ, რომლებიც მხოლოდ ჭიქით ხელში არიან პატრიოტები და “მთვრალები” იბრუნებენ აფხაზეთს, მათთვის ფულია მთავარი და პატრიოტული მოტივები არ არსებობს. მათ არ აქვთ არანაირი სინდისი და სამშობლოს სიყვარული. ეს ხალხი ვერასოდეს გაიგებს, თუ რა არის პატრიოტული მოტივებით გყავდეს გუნდი, რომელიც სოხუმის სახელს ატარებს. რთულია, როდესაც ბოქლომს ადებენ ყველა სტადიონს და გეუბნებიან – “ფული გაქვს ივარჯიშებ, თუ არა და ჯანდაბამდე გზა გქონიაო”. ჩვენ ვართ ის ადამიანები, ვისაც საქართველო გვიყვარს და აფხაზეთის ტკივილი გვაწუხებს. ვიცით, თუ რას ნიშნავს არსებობდეს გუნდი სახელად – “დინამო სოხუმი”. ყველაფერს ვაკეთებ, რომ ამ კლუბმა იარსებოს. დარწმუნებული ვარ ფეხზე ვიდგებით და წარმატებებს მივაღწევთ. მოვა იმის დრო, როდესაც პასუხი გაეცემა, ვისაც ჩვენი მხარდაჭერა არ უნდა. როდესაც კლუბი მიზანს მიაღწევს, იქ ეს ადამიანები ვერ იდგებიან და შესაბამისად ვერ იზეიმებენ ჩვენს წარმატებას. იქ იდგებიან მხოლოდ ის ფეხბურთელები და მწვრთნელბი, ვინც უხელფასოდ მუშაობენ და ერთი იდეის გარშემო არიან გაერთიანებული, რასაც სოხუმის სახელი ჰქვია.
დარწმუნებული ვარ ჩვენ ამას შევძლებთ. სადაც არ არის ამპარტავნობა და ფულის გამო შეკრებილი კონტიგენტი, იქ წარმატება აუცილებლად იქნება.
წარმატებები “დინამო სოხუმს”, სულ მალე უფრო ძლიერები შევხვდებით!”, – წერს დავით თაქთაქიშვილი.
