უამრავი სპეციალისტის აზრით ის არა მხოლოდ ჩოგბურთის, ზოგადად სპორტში ყველა დროის საუკეთესოა. შესაძლოა საკამათო თემა იყოს, მაგრამ ამ აზრს არსებობის უფლება აქვს და ალბათ ბევრი მომხრეც გამოუჩნდება.
როჯერ ფედერერი სამეფო სპორტში დაუვიწყარი ეპოქის შემქნელია და მისი წასვლით ჩოგბურთი უსათუოდ გაღარიბდება, თუმცა ჯერ ნუ ვიჩქარებთ. მაესტრომ არაერთი რეკორდი დაამსხვრია და მორიგ სასწაულამდე ბევრი აღარ აშორებს. 6 ტიტულიც და ფედერერი ჯიმი კონორსს გაუთანაბდრდება. აქამდე ყველაზე მეტი ჯილდოს მომგებს, რომლის ანგარიშზეც 109 მოგებული ტურნირია.
როჯერ ფედერერის წასვლაზე კი წარსულში გამოჩენილი ინგლისელი ჩოგბურთელი გრეკ რუზეცკი ალაპარაკდა.
„ფედერერს კარიერის ერთი წელი დარჩა. შესაძლოა მაქსიმუმ ორი, მაგრამ მე მაინც ერთზე გადავიხრებოდი. ამიტომაც, 2021 წელს, ის ყველაფერს გააკეთებს იმისთვის, რომ მინიმუმ ორი მსხვილი ტურნირი – ოლიმპიური თამაშები და უიმბლდონი მოიგოს.
რა თქმა უნდა, მისთვის ძალიან მნიშვნელოვანი ფაქტორი და მოტივაციაა, რომ ჯიმი კონორსის შედეგი გაიმეოროს ან სულაც გააუმჯობესოს, მაგრამ არა მგონია ქტიურ სპორტში მხოლოდ ამის გამო დარჩეს. მას უუმბლდონი 8-ჯერ აქვს მოგებული და შარშან მეცხრესთან ძალიან ახლოს იყო, თუმცა ფინალი ჯოკოვიჩთან დაუჯერებლად წააგო. როჯერისგან საკუთარ მოწოდებაზე ორი მაჩბოლის ვერ გამოყენება რთული წარმოსადგენი იყო.
მოკლედ, ფედერერი უსიტყვოდ ბალახის დიდი სლემის მეფეა. ამიტომაც ვფიქრობ, რომ გაისად მის კიდევ ერთხელ მოსაგებად არაფერს დაიშურებს და შემდეგ დიდი ჩოგბურთიდანაც წავა“ – ამბობს ყოფილი ბრიტანელი ჩოგბურთელი.
