“გრაცის შტურმის” მთავარმა მწვრთნელმა, კრისტიან ილცერმა ქართველი ნახევარმცველის, ოთარ კიტეიშვილის მდგომარეობაზე კომენტარი გააკეთა.
“ვფიქრობ, კიტეიშვილს კიდევ რამდენიმე კვირა დასჭირდება ვარჯიშის გასანახლებლად. იმედი მაქვს, აპრილიდან დაგვეხმარება”, – განაცხადა ავსტრიელმა სპეციალისტმა.
შეგახსენებთ, რომ ოთარ კიტეიშვილმა მძიმე დაზიანება სექტემბერში “პსვ ეინდჰოვენთან” შეხვედრაში მიიღო. “კიტეს” კოჭის მყესი გაუწყდა, რის შემდეგაც მისი რეაბილიტაციის პროცესი გაიწელა.
ოთარ კიტეიშვილმა გასულ სეზონში, 14 შეხვედრა ჩაატარა, 4 გოლი გაიტანა და ამდენივე საგოლე გადაცემა გააკეთა.
