გიორგი ქვილითაიას კორონავირუსის ტესტზე დადებითი პასუხის დადასტურების შემდეგ ათდღიანი კარანტინის გავლა დასჭირდა და გუნდს დღეს დაუბრუნდა.
ადგილობრივი მედიის ვარაუდით გიორგი შაბათს “აპოლონთან” გასამართ შეხვედრაში სათადარიგოთა სკამზე იქნება.
ქვილითაია კარანტინის დროს სახლში მწვრთნელის მიერ შედგენილ სპეციალურ სავარჯიშო პროგრამას გადიოდა, რადგან ფორმა შეენარჩუნებინა.
გიორგი ქვილითაიამ ბოლოს 22 ნოემბერს, “აეკ”-თან ითამაშა, ეს მატჩი ფრედ 0:0 დასრულდა.
28 წლის ქართველმა ფეხბურთელმა კვიპროსის ჩემპიონატის მიმდინარე სეზონში 10 შეხვედრა ჩაატარა, 3 გოლი გაიტანა და 1 საგოლე პასი მიითვალა.
“აპოელი” კვიპროსის ჩემპიონატში სატურნირო ცხრილში 16 ქულით მე-8 პოზიციაზეა.
