ხვალ, საქართველოს ფეხბურთელთა ეროვნული ნაკრები მსოფლიო ჩემპიონატის შესარჩევი ეტაპის დასკვნით მატჩს შვედეთის ნაკრების წინააღმდეგ გამართავს.
შეხვედრის დაწყებამდე 24 საათით ადრე ჩვენი გუნდის ვიცე-კაპიტანმა, გურამ კაშიამ მატჩისწინა ოფიციალური პრესკონფერენცია გამართა და ჟურნალისტების კითხვებს უპასუხა.
ერთ-ერთი კითხვა ზლატან იბრაჰიმოვიჩს ეხებოდა, რომელიც ქართველი მცველების მიმართ გინებას გულისხმობს, რაზეც 34 წლის ფეხბურთელმა ასეთი პასუხი გასცა.
„ზლატანი დიდი ფეხბურთელია. თამაშის დროს ასეთი რაღაცები ხდება, ყოველთვის არსებობს ფეხბურთელებს შორის ასეთი ქმედებები. მართალი გითხრათ, ამას დიდ ყურადღებას არ ვაქცევთ და განსაკუთრებულ გავლენას ჩვენზე არ ახდენს“, – განაცხადა გურამ კაშიამ.
შეგახსენებთ, რომ საქართველოსა და შვედეთის ნაკრებების შეხვედრა ბათუმი არენაზე 21:00 საათზე დაიწყება. შეხვედრის რეპორტაჟს საზოგადოებრივი მაუწყებელი შემოგთავაზებთ.
