საქართველოს ნაკრების 29 წლის თავდამსხმელმა თორნიკე ოქრიაშვილმა კვიპროსის ჩემპიონატის მორიგ ტურში, „აჩნასის“ წინააღმდეგ დუბლი შეასრულა. „აპოლონმა“ მეტოქე საკუთარ მოედანზე მინიმალური სხვაობით, 2:1 დაამარცხა, ქართველი ფეხბურთელი კი ორივე გუნდის შემადგენლობაში საუკეთესო იყო.
შეხვედრის 46-ე წუთზე ოქრიაშვილმა შესანიშნავი ჯარიმით ანგარიში გახსნა, ქართველ გულშემატკივარს შესაძლოა ეს გოლი ტონი კროოსის მიერ მსოფლიოს 2018 წლის ჩემპიონატზე გატანილი გოლისთვის მიემსგავსებინა.
81-ე წუთზე სტუმრება წონასწორობა აღდაგინეს, თუმცა ქართველმა ფეხბურთელმა 87-ე წუთზე მეორე გოლი გაიტანა და თავის გუნდს მოაგებინა.
შეხვედრაში მონაწილეობა ასევე საქართველოს ნაკრების წევრებმა, გიორგი ქვილითაიამ და ბუბა დაუშვილმა მიიღეს.
”აპოლონი” მომდევნო მატჩს 24 ოქტომბერს “არისის” წინააღმდეგ გამართავს.
