ესპანური მედიის ინფორმაციით, ზამთარში “ვალენსიაში” შესაძლოა გიორგი მამარდაშვილის მთავარი კონკურენტი იასპერ სილესენი წავიდეს. საქმე ისაა, რომ პირველი იანვრიდან ამსტერდამის “აიაქსს” ანდრე ონანა ტოვებს. გუნდის პირველი გოლკიპერი მილანის “ინტერში” გადადის.
ესპანური წყაროს ცნობით, სილესენს “მესტალიას” დატოვება სურს. სილესენს “ვალენსიასთან” კონტრაქტი 2023 წლამდე აკავშირებს, მისი გაგრძელება სეზონის წინ იყო შესაძლებელი, თუმცა ეს კლუბს არ გაუკეთებია.
“ტრანსფერმარკტი” ნიდერლანდელ გოლკიპერს €5 მილიონად აფასებს, თუმცა “ვალენსია” მხოლოდ ორმაგ ფასად დათანხმდება მასთან კონტრაქტის გაწყვეტას. ამ შემთხვევაში კი 21 წლის ქართველი გოლკიპერი “ვალენსიას” პირველი მეკარე გახდება.
