გიორგი მიქაუტაძემ ბელგიაში ჩინებული მატჩი ჩაატარა, ქართველმა ფეხბურთელმა ჟუპიერ ლიგის მე-10 ტურის მატჩში ჰეთ-თრიკი მიითვალა. “სერენმა” შინ “ვარეგემი” მიიღო და დიდი ანგარიშით 5:1 დაამარცხა.
შეხვედრის მე-8 წუთზე გიორგიმ პენალტი გაიტანა და თავისი გუნდი დააწინაურა.
შეხვედრის 71-ე წუთზე 20 წლის ქართველმა ანტუან ბერნიეს პასის შემდეგ მეკარეს ახლო კუთხეში გაუტანა და სხვაობა სამამდე გაზარდა.
მატჩის 74-ე წუთზე გიორგიზე დაჯარიმების გამო ფრენკ ბოიამ წითელი ბარათი მიიიღო.
შეხვედრის 81-ე წუთზე კი მიქაუტაძემ ჰეთ-თრიკი შეასრულა და მატჩის საბოლოო ანგარიში დააფიქსირა. ქართველი ფეხბურთელი მატჩის 86-ე წუთზე შეცვალეს.
“სერენი” მომდევნო შეხვედრას 16 ოქტომბერს სტუმრად “როიალ უნიონის” წინააღმდეგ გამართავს, გიორგი მიქაუტაძე კი ოქტომბრის სანაკრებო პაუზაზე საქართველოს ნაკრებს შეუერთდება და მოახლოებული მატჩებისთვის მოემზადება.
