თორნიკე შენგელიას ცსკა-მ VTB ლიგაში პოლონურ ზელენა გურა გაანადგურა, რაშიც თოკომ დიდი წვლილი შეიტანა.
საქართველოს ნაკრების კაპიტანი ტრადიციულად 17:37 წუთში ყველაზე შედეგიანი იყო. თორნიკემ 14 ქულა, 3 მოხსნა, 5 პასი და 2 ჩაჭრა მიითვალა. ქართველმა მძიმე ფორვარდმა 7-დან 6 ორქულიანი და 2 საჯარიმო ჩააგდო, სამქულიანი ააცილა, ბურთი არ დაუკარგავს, 4 პერსონალური ფოლი მიიღო და მის წინააღმდეგაც 4-ჯერ დაჯარიმდნენ.
მისი სარგებლიანობის კოეფიციენტი 22-ს გაუტოლდა და მხოლოდ დანიის ნაკრების ლიდერ იფე ლუნდბერგს ჩამორჩა.
ცსკა VTB ლიგაში მომდევნო მატჩი 3 ოქტომბერს ნიჟნი ნოვგორდთან ჩაატარებს.
