ესპანეთის ლა ლიგის მე-6 ტურში “ვალენსია” სტუმრად “სევილიასთან” 1:3 დამარცხდა. 20 წლის ქართველი მეკარისთვის ეს თამაში უიღბლო გამოდგა და Marca წერს, რომ მოვიდა დრო, მამარდაშვილის ადგილი კარში გამოცდილმა ნიდერლანდელმა იასპერ სილესენმა დაიკავოს
“მამარდაშვილის შეცდომები კარს უხსნის სილესენს. ახალგაზრდა ქართველის სერიოზული უიღბლობები მადრიდის რეალისა და სევილიას წინააღმდეგ ნიდერლანდელის დაბრუნების შანსს ზრდის.
ქართველი მეკარე სეზონის სტარტის ერთ-ერთი უდიდესი სენსაცია იყო. მამარდაშვილმა, რომელიც მეორე გუნდის კარის დასაცავად გაიფორმეს, სილესენს, ხაუმესა და რივეროს აჯობა და ბორდალასის ფავორიტი მეკარე გახდა. გიორგი ბრწყინავდა პირველ სამ თამაშში, მაგრამ მეოთხეში, პამპლონაში მან უკვე დაუშვა შეცდომა, რომელიც VAR-მა გამოასწორა.
შემდეგ იყო შეცდომა მადრიდის რეალთან. ამის მიუხედავად ბორდალასმა ის კვლავ ძირითად შემადგენლობაში გაამწესა, რომ სევილიასთან ეთამაშა. ამგვარად დადგა საღამო, რომელიც მან უნდა დაივიწყოს.
სამივე გოლის დროს მეტის გაკეთება შეეძლო, მაგრამ მეორე და მესამე გოლებისას შეცდომები გროტესკული და ბავშვურია. ასეთი სიტუაციაა და სილესენიც უკვე გამოჯანმრთელებულია ტრავმისგან, რის გამოც სეზონის სტარტი გაუცდა და მოვიდა ცვლილების დრო.”, – წერს ესპანური გამოცემა.
შეგახსენებთ, რომ “ვალენსია”6 მომდევნო შეხვედრას 25 სექტემბერს, მესტალიაზე ბილბაოს “ატლეტიკთან”ჩაატარებს. გიორგი მამარდაშვილმა განვლილ 6 თამაშში 2-ჯერ კარი მშრალად შეინახა და ჯამში 7 გოლი გაუშვა.
