ესპანეთის ლა ლიგის მე-6 ტურში “ვალენსია” სტუმრად “სევილიასთან” 1:3 დამარცხდა. გიორგი მამარდაშვილს “ანდალუსიელებმა” 3 გოლი საწყის 22 წუთში გაუტანეს. 20 წლის ქართველი მეკარის თამაში, რომელიც უიღბლო გამოდგა, ესპანურმა გამოცემამ AS-მა შეაფასა და დაწერა, რომ მამარდაშვილს ვალენსიურ კარიერაში პირველი დასავიწყებელი თამაში ჰქონდა.
“პირველ ტურში მას ჰქონდა პირველი დიდი საღამო, დღეს, მე-6 ტურში კი პირველი დასავიწყებელი დღე აქვს. სამივე გოლში უიღბლო იყო, მეორე გოლის მიზეზი კი მისი სერიოზული შეცდომა გახდა.მიუხედავად იმისა, რომ თითქოს ეს ორი გოლი მისი შეცდომით არ გასულა, მაინც შეეძლო სხვა რამის გაკეთება. მიუხედავად იმისა, რომ აღელვებული იყო, მე-2 ტაიმში რაფა მირის და ენ-ნესირის დარტყმები კარგად მოიგერია.ჩვენ ყველამ საჯაროდ მხარი უნდა დავუჭიროთ მამარდაშვილს. ის მომავალ კვირაში 21 წლის ხდება. ჩვენ, რომ “ვალენსია” ვიყოთ, დღესვე გამოვისყიდდით მას თბილისის “დინამოდან’ და სიხარულით წარვადგენდით, რადგან ქართველი მეკარე მომავალი წლების ინვესტიციაა. ცხადია, მამარდაშვილის შეცდომებმა “ვალენსია” სანჩეს პისხუანზე დასცა, მაგრამ ეს ყველას მოსდის”, – წერს გამოცემა.
შეგახსენებთ, რომ ვალენსიას 6 ტურში 10 ქულა აქვს. გიორგი მამარდაშვილმა განვლილ 6 თამაშში 2-ჯერ კარი მშრალად შეინახა და 7 გოლი გაუშვა.
