„საბურთალოს“ 21 წლის ფეხბურთელი, გიორგი ჯინჯოლავა კარიერას ესპანურ „კადისში“ გააგრძელებს. ინფორმაციას თბილისური გუნდი ადასტურებს.
გიორგი ესპანურ კლუბში 1 წელს იჯარით გაატარებს და „კადისს“ შემდგომში მისი გამოსყიდვის უფლება ექნება.
ცნობისთვის, ახლაგაზრდა ფეხბურთელმა ეროვნული ლიგის მიმდინარე სეზონში დედაქალაქური კლუბის მაისურით 14 მატჩი ჩაატარა.
აღსანიშნავია, რომ ჯინჯოლავა, გიორგი ქოჩორაშვილის შემდეგ, „საბურთალოს“ აკადემიის აღზრდილი მეორე ფეხბურთელი გახდება, რომელიც ლა ლიგაში ითამაშებს.
