ტომას ტუხელმა ოცნება აისრულა და ნანატრი ტიტული მოიგო. გერმანელი სპეციალისტი ჩემპიონთა ლიგის ფინალში ზედიზედ მეორე გავიდა. შარშან მისი „პსჟ“ გადამწყვეტ დაპირისპირებაში „ბაიერნთან“ მინიმალური სხვაობით დამარცხდა, წელს კი უკვე „ჩელსის“ თავკაცის რანგში „მანჩესტერ სიტის“ 1:0 აჯობა.
არისტოკრატებმა ჩემპიონთა ლიგა მეორედ მოიგეს და თამამად შეიძლება ითქვას, რომ სრულიად დამსახურებულად.
ცხადია, მატჩის შემდეგ ტომას ტუხელი მეცხრე ცაზე გახლდათ.
„„ბედნიერი ვარ. თავისთავად ახლა რადიკალურად განსხვავებული გრძნობა მაქვს, ვიდრე ეს შარშან იყო. მაშინ წავაგეთ, დღეს კი დამსახურებულად გავიმარჯვეთ.
ფეხბურთელები მატჩამდეც და თამაშის მიმდინარეობისასაც თავდაჯერებულები იყვნენ და მტკიცედ ჰქონდათ გადაწყვეტილი, რომ რადაც არ უნდა დაჯდომოდათ მოედანი გამარჯვებულებს დაეტოვებინათ.
ვფიქრობ, ჩვენმა ტაქტიკამ გვეთამაშა კონტრშეტევებზე გაამართლა. ეს იყო რთული მატჩი, რომელიც საბედნიეროდ გამარჯვებით დავაგვირგვინეთ“ – აღნიშნა გერმანელმა სპეციალისტმა.
