შოთა არველაძე სოციალურ ქსელში იმ ჭორებს ეხმაურება, რომელიც რამდენიმე დღის წინ გავრცელდა. კერძოდ, რამდენიმე მედიასაშუალებამ გამოაცხადა, რომ ძმები არველაძეებიდან ერთ-ერთი თბილისის მერობისთვის ბრძოლას აპირებს. ჟურნალისტებმა არველაძეები გიორგი გახარიას დაუკავშირეს.
შოთა არველაძემ აღნიშნული ინფორმაცია უარყო. ვეტერანი ფეხბურთელის განცხადებას უცვლელად გთავაზობთ:
„სულ რამდენიმე დღით ვარ თბილისში და ტაქსის მძღოლები მეკითხებიან, ვაპირებთ თუ არა ავტომანქანებზე თეთრი ფერის შეცვლას. არადა თეთრი ფერი მომწონს, მართლა მომწონს.
მეც და ჩემს ძმებსაც გვაქვს საქმე, რომელსაც ათწლეულებია ვემსახურებით და ასე ვაპირებთ მომავალშიც. თანაც, პირდაპირ მერის თანამდებობაზე ფიქრი არ იქნებოდა სწორი, ჯერ გამგეობაში და საკრებულოში მუშაობის გამოცდილება გვჭირდება.
P.S იქნებ კიჭა მაინც დავითანხმოთ“, – წერს შოთა არველაძე.
