კვიპროსის ჩემპიონატის მორიგ ტურში დამაჯერებელი გამარჯვება მოიპოვა თემურ ქეცბაიას „ანორთოსისმა“. ქართველი მწვრთნელის კლუბი საკუთარ მოედანზე ნიქოზიას „ოლიმპიაკოსს“ შეხვდა და 3:0 დაამარცხა.
შეხვედრაში ერთ-ერთი გოლი გიორგი ქვილითაიამაც გაიტანა.
მატჩის დასრულების შემდეგ, თემურ ქეცბაიამ ჟურნალისტებთან საუბრისას განაცხადა, რომ ასეთი ცუდი ხარისხის საფარი მას საკუთარი კარიერის განმავლობაში არ უნახავს.
„საკმაოდ რთული მატჩი მოვიგეთ. არა მხოლოდ იმიტომ რომ ძლიერ მეტოქეს ვეთამაშეთ, არამედ იმიტომ რომ მოედნის საფარი ძალიან ცუდ მდგომარეობაში იყო. ასე როგორ შეიძლება? თითქმის 45 წელია რაც ფეხბურთში ვარ და ასეთ სტადიონზე ვარჯიშიც კი არ ჩამიტარებია. ასეთ მოედანზე თამაში რომ გვიწევს ძალიან სამწუხაროა“, – განაცხადა ქეცბაიამ.
ქვილითაიამ კვიპროსში მეათედ გაიტანა – ანორთოსისმა მოიგო! (მიმოხილვა)
