საქართველოს კულტურის, სპორტისა და ახაგაზრდობის მინისტრმა, თეა წულუკიანმა პარლამენტში სიტყვის გამოსვლისას საქართველოს კალათბურთელთა ნაკრების კაპიტანის, თორნიკე შენგელიას შესახებ ისაუბრა.
წულუკიანმა ის პერიოდი გაიხსენა, როდესაც თოკო მოსკოვის ცსკა-ში გადავიდა, რასაც გულშემატკივრებისგან უარყოფითი რეაქცია მოყვა.
„მიუღებელია ბულინგი იმის გამო, რომ ამა თუ იმ სპორტსმენმა სხვა ქვეყანის სახელით გამოსვლა აირჩია. ამის საუკეთესო მაგალითია კალათბურთელი თორნიკე შენგელია, რომელსაც უსამართლოდ დიდი შეურაცხყოფის ატანა მოუწია, როდესაც რუსეთის დროშის ქვეშ ასპარეზობა გადაწყვიტა. ის წავიდა იმ პირობით, რომ საქართველოს ნაკრებში აუცილებლად ჩამოვიდოდა.
იგი პირველივე დაძახილზე გამოცხადდა ნაკრებში და, ალბათ, არ გაგიკვირდებათ თუ ვიტყვი, რომ პირველ რიგში მან, თანაგუნდელებთან ერთად მოიგო ძალიან მნიშვნელოვანი მატჩი უკრაინასთან“, – განაცხადა წულუკიანმა.
