საქართველოს ნაკრების კალათბრთელი, ალექსანდრე ფევაძე კარიერას ესპანეთში გააგრძელებს. 23 წლის სპორტსმენი თავდაპირველად „გრან კანარიას“ მეორე გუნდში ითამაშებს, რომელიც ამჟამად ესპანეთის საკალათბურთო ლიგის მესამე დივიზიონში იმყოფება.
ფევაძე ბოლოს საქართველოს ჩემპიონატში, „ცხუმ-აფხაზეთში“ გამოდიოდა. ქართველი კალათბურთელი ბოლო პერიოდში საქართველოს ნაკრებშიც უწევდა თამაში და ილიას ზუროსის გუნდში მან 4 შეხვედრა ჩაატარა. მისი მინაგარი საშუალოდ 17.3 წუთში 5.3 ქულა და 4.0 მოხსნაა.
ახალგაზრდა კალათბურთელთან ინტერვიუ საქართველოს საზოგადოებრივმა ჩაწერა:
„გრან კანარიასთან“ ერთწლიანი კონტრაქტი გავაფორმე. ესპანელები ამჟამად თვითმფრინავის ბილეთებზე მუშაობენ, იმედი მაქვს ყველა ფორმალობა მოგვარდება და კლუბს მალე შევუერთდები. გუნდის გენერალურ მენეჯერს ველაპარაკე. მათ კონტრაქტის გაფორმებამდე ჩემს შესახებ გიორგი შერმადინსაც ჰკითხეს. რაც შეეხება ახალ გუნდში ჩემს მომავალს, პირველ ეტაპზე „გრან კანარიას“ მეორე გუნდში ვითამაშებ, რომელიც ესპანეთის რიგით მესამე ლიგაში, „ლებ-სილვერში“ გამოდის. აქედან მთავარ გუნდში ნებისმიერ დროს შეუძლიათ ნებისმიერი კალათბურთელის დამატება. თუმცა დავიმსახურებ თუ არა ადგილს პირველ გუნდში ჩემზე იქნება დამოკიდებული“, – ამბობს ფევაძე.
