პარიზში 2023 წლის მსოფლიო თასის წილისყრა გაიმართა, სადაც ბოლო წლებში ჩამოყალიბებული ტრადიციის თანახმად, დიდი ალბათობით საქართველოს მორაგბეთა ეროვნული ნაკრებიც ითამაშებს.
კორონავირუსის გამო, წილისყრა დისტანციურად ჩატარდა. საინტერესოა, რომ მასში მონაწილეობა საფრანგეთის პრეზიდენტმა ემანუელ მაკრონმაც მიიღო, რაც ბევრისთვის მოულოდნელი გამოდგა.
„ბორჯღალოსნები“ 2021-2022 წლების რაგბი ევროპის ჩემპიონატის უდავო ფავორიტებად ითვლებიან და მასში გამარჯვების შემთხვევაში, მსოფლიო თასზე ევროპა 1-ის რანგში წავა, ეს კი, იმას ნიშნავს, რომ წილისყრის შედეგებით თამაში უელსთან, ავსტრალიასთან, ფიჯისთანა და რეპეშაჟის გამარჯვებულთან მოუწევს.
Your Pools at Rugby World Cup 2023!
Register for tickets here: https://t.co/wiftbbRu2B#RWC2023 pic.twitter.com/PFKEGHRrAO
— Rugby World Cup (@rugbyworldcup) December 14, 2020
I ჯგუფი: ახალი ზელანდია, საფრანგეთი, იტალია, ამერიკა 1, აფრიკა 1;
II ჯგუფი: სამხრეთ აფრიკა, ირლანდია, შოტლანდია, აზია/წყნარი ოკეანეთი, ევროპა 2;
III ჯგუფი: უელსი, ავსტრალია, ფიჯი, ევროპა 1, რეპეშაჟის გამარჯვებული;
IV ჯგუფი: ინგლისი, იაპონია, არგენტინა, ოკეანეთი 1, ამერიკა 2;
Pool C at Rugby World Cup 2023 will be contested by:
Wales
Australia
Fiji
Europe 1
Final Qualifier Winner#RWC2023 pic.twitter.com/GWDLNxXWbR— Rugby World Cup (@rugbyworldcup) December 14, 2020
შეგახსენებთ, რომ მომავალი მსოფლიო თასი 2023 წლის 8 სექტემბრიდან 21 ოქტომბრამდე პერიოდში საფრანგეთში ჩატარდება. ტურნირს ერთბაშად 9 ქალაქი უმასპინძლებს: პარიზი, მარსელი, ლიონი, ლილი, ბორდო, სენტ ეტიენი, ნიცა, ნანტი, ტულუზა.
