საქართველოს ფეხბურთის ფედერაციის ვერსიით, 2020 წლის საუკეთესო ქართულ გოლად „ლანჩხუთის“ შემტევის ხატია ჭყონიას გატანილი ბურთი გახდა.
ჭყონიამ ქალთა ჩემპიონთა ლიგაზე, „ლანჩხუთის“ და ზოგადად, ქალთა ფეხბურთის არსებობის ისტორიაში ყველაზე მნიშვნელოვანი გოლი გაიტანა. ჩემპიონთა ლიგის 32/1 ფინალში მან რუმინულ „კლუჟს“ შეუგდო, რითაც ლანჩხუთელებმა 16/1 ფინალში თამაშის უფლება მოიპოვეს.
საბოლოოდ, ჩვენი გოგონები შვედურ როზენგარდთან ორი მატჩის ჯამში 17:0 დამარცხდნენ, თუმცა ევროსარბიელზე მათი გამოსვლა ნამდვილად წარმატებულად უნდა შეფასდეს.
