ქართველი ჰიპ-ჰოპ არტისტი, მასტერი სოციალურ ქსელში საქართველოს ქალ ფეხბურთელთა ნაკრების ირლანდიასთან მატჩშ ეხმაურება, რომელიც ქართველმა გოგონებმა 11:0 წააგეს. მასტერის პოსტს უცვლელად გთავაზობთ:
„უამრავი დამამცირებელი და უაზრო კომენტარი წავიკითხე ჩვენი ქვეყნის ქალთა საფეხბურთო ნაკრებზე…
მესმის რომ ცუდია დიდი ანგარიშებით წაგება და გვაქვს უფლება არ მოგვწონდეს და თავისთავად არავის გვსიამოვნებს, მაგრამ რა საჭიროა ამდენი ირონია, ქილიკი, დამცირება? ზოგი ისე გულმოდგინედ იყენებს “შავ იუმორს” რომ ასე მგონია სიხარულით ელოდებიან როდის წავაგებთ რომ მორიგი არაფრის მთქმელი კომენტარები წერონ… ყველაფერს რომ თავი დავანებოთ ეს გოგოები სპორტით არიან დაკავებულები, ჯანსაღი ცხოვრების წესს მიჰყვებიან, ინსტაგრამზე მხოლოდ ask me question-ებით არ გაჰყავთ მთელი მათი ცხოვრება – მიზანი აქვთ და ამ მიზნისთვის შრომობენ!!! ისიც არ უნდა დაგვავიწყდეს კი არადა პირველ რიგში ის უნდა გვახსოვდეს რომ საერთოდ არ აქვს დიდი ისტორია ქალთა ფეხბურთს საქართველოში და კაცებისგან განსხვავებით მგონი წარსულ დიდებას არ თელავენ ფეხქვეშ, ასე რომ თუ არ დავაფასებთ ამ გოგონებს ტალახს მაინც ნუ ვესვრით მხოლოდ იმიტომ რომ ირლანდიის ნაკრებთან წააგეს, რომლებსაც ჯერ კიდევ 1973 წელს ჰყავდათ პირველი ქალთა გუნდი …
კაცებისგან განსხვავებით “აგერ” ლანჩხუთის გუნდმა კი ითამაშა ჩემპიონთა ლიგაზე და მგონი არაა ცოტა
წარმატებები გოგოებო!!!“ – წერს რეპერი სოციალურ ქსელში.
