თბილისის ოლიმპიურ სოფელში ტოკიოს ოლიმპიადაზე ქართველი სპორტსმენების გაცილების ოფიციალური ცერემონია გაიმართა.
ღონისძიებას ქვეყნის პირველი პირები დაესწრნენ, მათ შორის პრემიერ-მინისტრი, თბილისის მერი და საქართველოს პრეზიდენტიც.
ირაკლი ღარიბაშვილმა ოლიმპიელებს მიმართა და შეჯიბრზე წარმატებები უსურვა.
„ყველანი ერთად აღვნიშნავთ ამ დიდებულ დღეს. ჩვენთვის დიდი პატივია თქვენი გაცილება ტოკიოში. გიყურებთ რა თქვენ, კიდევ ერთხელ ვრწმუნდებით ყველანი, რომ ჩვენ ვართ, მართლაც, ჩემპიონების ერი. ვართ პატარა ერი, მაგრამ გვყავს ამდენი ნიჭიერი, სასახელო სპორტსმენი. ეს, რა თქმა უნდა, არის ძალიან დიდი წყალობა, ერთის მხრივ. მეორეს მხრივ, მინდა გითხრათ, რომ მთელი ერი შემოგცქერით ახლა თქვენ. მჯერა, რომ თქვენ გამოხვალთ რა, ჩვენი დროშის ქვეშ ტოკიოში, ძალიან ბევრჯერ მოვისმენთ საქართველოს ჰიმნს, ამაში ღრმად ვარ დარწმუნებული. მინდა, გისურვოთ ყველას გამარჯვება, გისურვოთ წარმატებები“, – განაცხადა ქვეყნის პრემიერ-მინისტრმა.
შეგახსენებთ, რომ ტოკიოს ოლიმპიადა 23-დან 8 აგვისტოს ჩათვლით გაიმართება.
