ზავი იმერულ დერბიში

ეროვნული ლიგის მე-16 ტურში, რომელიც სანაკრებო პაუზის შემდეგ განახლდა მეტად საინტერესო იმერული ჯახი შედგა, სადაც ერთმანეთს ქუთაისის „ტორპედო“ და „სამტრედია“ დაუპირისპირდნენ.

თავის დროზე ორივე გუნდი საქართველოს ჩემპიონი იყო, ახლა კი ქუთათურებს და სამტრედიელებს კარგი დროება არ უდგათ და უმაღლეს ლიგაში ადგილის შესანარჩუნებლად იბრძვიან.

წყვილის ფავორიტად, შინაური კედლების და იმის გათვალისწინებით, რომ ბოლო პერიოდში მომძლავრდნენ მაინც „ტორპედო“ ითვლებოდა, თუმცა გამარჯვებას ვინ დაეძებს, საერთოდ კინაღამ უქულოდ დარჩნენ.

ანგარიში 30-ე წუთზე სამტრედიელთა ბრაზილიელმა ლეგიონერმა ნათან ჯუნიორმა გახსნა, ხოლო მასპინძელთაგან თავი მეორე ტაიმში კენიელმა სამუელ ინკოომმა გამოიჩინა და მატჩის საბოლოო ანგარიშიც დააფიქსირა – 1:1.

„ტორპედო“ 17 ქულით სატურნირო ცხრილში მე-7 ადგილზეა, ხოლო გია ცეცაძის გუნდი 10 ქულით ბოლოსწინა პოზიციაზე.