„ტოკიო 2020“, რომელმაც სახელწოდება კი შეინარჩუნა, მაგრამ გაისად ზაფხულში გაიმართება წინამორბედი ოლიმპიადებისგან ბევრი რამით იქნება განსხვავებული. მსოფლიოში გამეფებულმა პანდემიამ, რომელიც აგერ უკვე წელიწადია გრძელდება ბევრი რამ თავდაყირა დააყენა.
საერთაშორისო ოლიმპიური კომიტეტის პრეზიდენტის, თომას ბახის განცხადებით, სპორტსმენები ოლიმპიურ სოფელში შეჯიბრებამდე ხუთი დღით ადრე უნდა გამოცხადდნენ და ტერიტორია ასპარეზობის დასრულებიდან მაქსიმუმ ორდ დღეში დატოვონ.
„ტოკიო 2020-ის საორგანიზაციო კომიტეტთან ერთად, ოლიმპიურ სოფელში სტუმრობისას, ყველა 2016 ქვეყნის ეროვნული ოლიმპიური კომიტეტისთვის შევიმუშავეთ COVID-19-ის პანდემიის გავრცელების საწინააღმდეგო ზომები, რაც მეტად აუცილებელია.
უნდა ვეცადოთ, რისკები მინიმუმამდე დავიყვანოთ. ათლეტები სოფელში სარბიელზე გასვლამდე ხუთი დღით ადრე უნდა დაბინავდნენ და ასპარეზობის დასრულებიდან ორ დღეში დატოვონ. ეს წესი შეეხება დელეგაციის წევრებსაც“ – ამბობს თომას ბახი.
აღნიშნული რეგულაციები, საერთაშორისო ოლიმპიურმა კომიტეტმა აღმასრულებელ სხდომაზე მიიღო.
