მკვლელობაში ბრალდებული, ოლიმპიური ჩემპიონი ზურაბ ზვიადაური და მასთან ერთად დაკავებული პირი, მოსამართლემ დარბაზიდან გირაოს სანაცვლოდ გაათავისუფლა.
პატიმრობაში მყოფი ზვიადაურისთვის დაცვის მხარე 50 ათას ლარიან, ხოლო ჯაბა ჯანგირაშვილისათვის 5 ათას ლარიანი გირაოს შეფარდებას ითხოვდა.
ბრალდების მხარე, ორივე დაკავებულის პატიმრობაში დატოვებას ითხოვდა და მოთხოვნას შემდეგი დანაშაულის ჩადენის, მიმალვის და მოწმეებზე ზემოქმედების საფრთხით ასაბუთებდა.
მოსამართლემ დაცვის მხარის შუამდგომლობა დააკმაყოფილა და ბრალდებულები გირაოს სანაცვლოდ დარბაზიდან გაათავისუფლა.
შეგახსენებთ, მკვლელობა 16 აგვისტოს, თელავის მუნიციპალიტეტის სოფელ წინანდალში მოხდა.
ორმხრივი სროლის შედეგად, გარდაიცვალა სამი და დაიჭრა ორი პირი. ზურაბ ზვიადაურს ბრალი სისხლის სამართლის კოდექსის 108- ე მუხლით წაუყენეს, რაც განზრახ მკვლელობას გულისხმობს. ჯაბა ჯანგირაშვილს გამოძიება მკვლელობის დროს, ცეცხლსასროლი იარაღის დაუდევრად შენახვას ედავება. გარდაცვლილ პირებს შორის, ერთ- ერთი, ზურაბ ზვიადაურის ძმა, ზვიად ზვიადაურია.
დანაშაულის ჩადენის მომენტისა და სასამართლო განხილვების დროს, დაცვის მხარე ამტკიცებს, რომ ოლიმპიური ჩემპიონი, აუცილებელი მოგერიების ფარგლებში მოქმედებდა.
შემდგომი სასამართლო პროცესი, საქმის არსებითი განხილვით განახლდება.
წყარო: Primetime.ge
ავტორი: ხათუნა გულიაშვილი.
