ვეტერან ძიუდოსიტს და ოლიმპიურ ჩემპიონს ზურაბ ზვიადაურს ჯანმრთელობის მწვავე მდგომარეობა დაუდგინდა და ხერხემალზე ოპერაცია ესაჭიროება. ვეტერანი სპორტსმენი უკვე კლინიკაშია გადაყვანილი.
მანამდე, ცნობილი გახდა, რომ ზვიადაურს ფსიქოლოგიურ-ფსიქიატრიულ ექსპერტიზას ჩაუტარებენ. სოფელ წინანდლის ტყეში მომხდარი მკვლელობის საქმეზე დაკავებულ ოლიმპიურ ჩემპიონს, ლევან სამხარაულის ექსპერტიზის ეროვნულ ბიუროში უახლოეს პერიოდში მიიყვანენ.
შეგახსენებთ, წინანდალში, 16 აგვისტოს 3 ადამიანი მოკლეს, მათ შორის ერთი ოლიმპიური ჩემპიონის, ზურაბ ზვიადაურის ძმა, ზვიად ზვიადაური. ზურაბ ზვიადაური ერთი ადამიანის განზრახ მკვლელობის ბრალდებითაა დაკავებული. მას სასამართლომ აღკვეთის ღონისძიების სახით პატიმრობა შეუფარდა.
