კვიპროსის საფეხბურთო ჩემპიონატის მე-17 ტურში თემურ ქეცბაიას „ანორთოსისი“ უშუალო კონკურენტ „აპოლონთან“ 3:2 დამარცხდა.
ქართველი მწვრთნელის გუნდი მატჩს 2:0 იგებდა, მაგრამ, სამწუხაროდ უპირატესობა ვერ შეინარჩუნეს და მეტოქისგან 3 ბურთი გაუშვეს.
მატჩისშემდგომ პრესკონფერენციაზე თემურ ქეცბაია ბრაზს ვერ მალავდა და რამდენიმე ფეხბურთელის გაშვებაც დააანონსა.
„არც კი ვიცი რა ვთქვა. კლუბში წელიწადნახევარია ვმუშაობ და ფაქტობრივად, ამ დროის განმავლობაში საუკეთესო თამაში ვაჩვენეთ. ბევრი საგოლე მომენტი შევქმენით და 2 გოლიც გავიტანეთ, მაგრამ, დაცვაში თამაშმა ყველაფერი გააფუჭა. ამ სეზონში ერთი ძალიან დიდი პრობლემა გვაქვს. მეტოქის ფეხბურთელი ჩვენს საჯარიმოში თუ შემოდის, მაშინვე გოლს ვუშვებთ. დაცვა ასე არ უნდა თამაშობდეს. ამის გამო, რამდენიმე მცველს კლუბის დატოვება მოუწევს. მეტოქემ ზუსტად 3 ეპიზოდი შექმნა და 3 გოლი გაიტანა. ამას ქამბექს ვერ დავარქმევ. ეს არის დაცვაში ჩვენი ცუდი თამაშის ბრალი“, – განაცხადა ქეცბაიამ.
გიორგი ქვილითაიას გოლი და ანორთოსისის მარცხი პრინციპულ შეხვედრაში (VIDEO)
