უზბეკეთის დედაქალაქ ტაშკენტში გამართულ ძალოსნობის მსოფლიოს ჩემპიონატზე ლაშა ტალახაძემ ატაცში 225 კგ, აკვრაში 267 კგ, ორჭიდის ჯამში კი 492 კგ ასწია, სამი ახალი მსოფლიო რეკორდი დაამყარა და სამი ოქროს მედალი კარიერაში მეხუთედ მოიპოვა.
მსოფლიო ჩემპიონატის დასრულების შემდეგ საქართველოს ძალოსანთა ნაკრების ექიმიმა გიორგი ჭინჭარაულმა სოციალურ ქსელში სახალისო პოსტი გამოაქვეყნა.
“დავგუგლეთ სახსნელის გარეშე ბოთლის გახსნის 18386184 წესი… დავიწყეთ ცდა, სანთებელათი ვიწვალეთ, მერე ფეხსაცმელში ჩავდეთ და კედელზე ვურტყით, იქნებ ამოვარდეს საცობიო, კედლები გიფსოკარდონისაა, მერე იატაკზე მოვცხეთ, მერე კარადის კუთხეზე ვურაძგუნეთ, ცხელ ვანაში ჩავდეთ, ავი თვალით ვუყურეთ… თურმე მაცივრის გვერდზე იდო სახსნელი ნომერში. ვზივართ ახლა გაოფლილები და ვიძახით ტალახაძის სადიდებლებს. გაგვიმარჯოს”, – წერს გიორგი ჭინჭარაული.
