დღეს სოციალურ ქსელში ლაშა ტალახაძის ფოტო გავრცელდა, სადაც ორგზის ოლიმპიურ ჩემპიონს, იმიჯი აქვს შეცვლილი.
ამ ფოტოს შესახებ, საქართველოს ძალოსანთა ნაკრების ექიმმა, გიორგი ჭინჭარაულმა სახალისო პოსტი გამოაქვეყნა.
“ყველა ლაშას ულვაშზე ლაპარაკობთ და გეტყვით რა მოხდა. შეკრებაზე ვართ დუშეთში, ვარჯშიდან მოვდივართ და ლაშამ ჩაილაპარაკა წვერს შევისწორებო ჩემითო. ცოტახანში მეძახის, დავიწყე და ჩემი მანქანა დაჯდა, იქნებ შენი მომაშველოო.
შევუტანე… თავისი მანქანა ზომაზე ეყენა და ჩემსას კიდევ თავი არ ქონდა ზედ. ლაშამ ინსტიქტურად ჩართო და ქვედა ყბიდან აიტარა ბოლომდე. უცებ ისმის საშინელი გინების ხმა, მე გავრბივარ და ეს მომდევს. ასე დარჩა წვერის და თმის გარეშე. მე კი სილურჯეებზე ვმკურნალობ”, – წერს ჭინჭარაული.
