საქართველოს ნაკრებმა მსოფლიოს 2022 წლის ჩემპიონატის საკვალიფიკაციო ეტაპის მატჩში ბათუმში კოსოვოს უმასპინძლა და 0:1 დამარცხდა. მატჩის შემდეგ, ვილი სანიოლმა თამაში შეაფასა.
კოსოვოსთან მატჩზე:
“მოგეხსენებათ, რთულ ჯგუფში ვართ. გვინდა, რომ უკეთესი ფეხბურთი ვაჩვენოთ, ვიდრე დღეს ვითამაშეთ. სამწუხაროდ, რამდენიმე კარგი მოთამაშე გამოგვაკლდა. არ აქვს მნიშვნელობა, ვის წინააღმდეგ თამაშობ.დღევანდელ მატჩს ვუყურებთ, გავაანალიზებთ ვეცდებით, შეცდომები გამოვასწოროთ და ესპანეთთან უკეთ ვითამაშოთ.დიდი განსხვავება დავინახეთ საქართველოსა და კოსოვოს ნაკრებ გუნდებს შორის. მეტოქე გუნდის ფეხბურთელები შეთამაშებულები იყვნენ”.
ოქრიაშვილსა და შენგელიაზე:
“ცხადია, რამდენიმე ფეხბურთელი აქ არ არის, მაგრამ ისინი ნაკრებისთვის მნიშვნელოვანი მოთამაშეები არიან.”
საქართველოს ნაკრების შემადგენლობაზე:“ჩემთვის, როგორც მწვრთნელისთვის, ყველა მოთამაშის შეფასება რთულია. იმედია, რომ ოქტომბრისთვის ეს ფეხბურთელები მწყობრში იქნებიან. ჩვენ კარგ ფორმაში მყოფ ყველა მოთამაშეს გამოვიძახებთ.”
შეგახსენებთ, რომ საქართველოს ნაკრები 5 სექტემბერს, ბადახოსში, ესპანეთს დაუპირისპირდება. სექტემბრის სანაკრებო შეკრებას ჯვაროსნები სოფიაში, ბულგარეთთან ამხანაგური მატჩით დაასრულებს.
