მსოფლიო ჩემპიონატის საკვალიფიკაციო ეტაპის პირველ მატჩში საქართველო შვედეთს ესტუმრა და 0:1 დამარცხდა.
შეხვედრის დასრულების შემდეგ, ჩვენი გუნდის ახალმა ფრანგმა მთავარმა მწვრთნელმა ვილი სანიოლმა მატჩი შეაფასა და მომავალზე ისაუბრა.
„ახლა „ცხელ გულზე“ კომენტარის გაკეთება ძალიან რთულია. ვფიქრობ, ორივე გუნდს ჰქონდა გარკვეული შესაძლებლობები. შვედეთი უკეთესი იყო, რადგან ერთი გოლის გატანა მოახერხა, ჩვენ ნული.
ჩემი ფეხბურთელებით ვამაყობ. მათ რაც შეეძლოთ ყველაფერი გააკეთეს, თანაც ისიც გასათვალისწინებელია, რომ ბევრი ახალგაზრდა ფეხბურთელი გვყავს.
მეორე ტაიმი იყოს ის, რაც გვინდა, რომ მომავალში ვნახოთ. გუნდმა გარკვეულ მომენტებში გარისკა. შვედეთს კი ვულოცავ. მათ გამარჯვება დაიმსახურეს.
ვფიქრობ, რომ ჩემმა ფეხბურთელებმა კარგად ითამაშეს. რამდენიმე დღეში ესპანეთს უნდა დავუპირისპირდეთ და ახლა მნიშვნელოვანი მოთამაშეების ძალების აღდგენაა. თუ თამაშს ასე გავაგრძელებთ, ვფიქრობ, მომავალი უკეთესი იქნება.
ქვილითაიას და შენგელიას კარგი მომენტები ჰქონდათ. ამ მატჩისთვის მოსამზადებლად მხოლოდ 2 ვარჯიში გვქონდა. საქართველო გეოგრაფიული თვალსაზრისით შორს არის. ფეხბურთელები სხვადასხვა ქვეყნებში თამაშობენ და მათი შეკრება გამიჭირდა. ზოგიერთმა მათგანმა საქართველოში ჩამოსასვლელად 4 თვითმფრინავი შეიცვალა. ასეთი რაღაცები კი პრობლემებს ქმნის.
ბედნიერი ვარ, რადგან ბიჭებმა შვედეთის დასამარცხებლად ყველაფერი სცადეს. სამწუხაროდ მომენტები ვერ გამოვიყენეთ. წინ კიდევ ორი მატჩი გვაქვს და მოსამზადებლად დრო გვჭირდება.“ – განაცხადა ვილი სანიოლმა.
აღსანიშნავია, რომ ჩვენი ჯგუფის პარალელური მატჩი ესპანეთსა და საბერძნეთს შორის ფრედ 1:1 დასრულდა.
მომდევნო მატჩშს საქართველოს ნაკრები კვირას, 28 მარტს თბილისში ესპანეთის წინააღმდეგ გამართავს. შეხვედრა თბილისის დროით 20:00-დან დაიწყება.
