15 ნოემბერს, საქართველოს ეროვნული გუნდი წლის ბოლო შეხვედრას გორში გამართავს, სადაც უზბეკეთის ნაკრებს დაუპირისპირდება.
საქართველოს ეროვნული ნაკრების მთავარმა მწვრთნელმა, ვილი სანიოლმა პრესკონფერენცია გამართა და თავის ასისტენტ ზურაბ ხიზანიშვილზეც ისაუბრა.
“ხიზანიშვილთან პირველივე დღიდან ჩვენი ურთიერთობა კარგი და მყარია. ისიც ყოფილი მოთამაშეა და ძალიან კარგად ესმის საფეხბურთო ნიუანსები, ამდენად, საერთო ენას მარტივად ვპოულობთ. ის ახლა იწყებს კარიერის ახალ ეტაპს, საკმაოდ სწრაფად სწავლობს ყველაფერს და როცა მჭირდება, სულ ჩემს გვერდით არის. ალბათ, ადრე თუ გვიან, ისიც გახდება მთავარი მწვრთნელი და იმ მომენტში ყველაფერს საუკეთესოს ვუსურვებ, რადგან ამას იმსახურებს. ფეხბურთელებთან ურთიერთობა ბუნებრივად გამოსდის, ამ კუთხითაც დიდი როლი უკავია. მიხარია, რომ ეს ადამიანი გუნდში გვყავს”, – განაცხადა ფრანგმა სპეციალისტმა.
საქართველოს და უზბეკეთის ეროვნულ ნაკრებთა დაპირისპირება 15 ნოემბერს 18:00 საათზე გორის თენგიზ ბურჯანაძის სახელობის სტადიონზე გაიმართება.
