საქართველოსა და შვედეთის მატჩის მიმდინარეობისას გულშემატკივრებს შესაძლოა ერთი ეპიზოდი გამოეპარათ.
შეხვედრის მიწურულს, მსაჯის მიერ დამატებულ მე-3 წუთზე მოედანზე პატარა გულშემატკივარი შეიჭრა, რის გამოც თამაში რამდენიმე წამით გაჩერდა.
ახალგაზრდა ქომაგმა ზლატან იბრაჰიმოვიჩთან მიირბინა და მასთან სავარაუდოდ სურათის გადაღება უნდოდა, თუმცა ზლატანმა საპასუხოდ ხელი ჰკრა, რის შემდეგაც დაცვამ გულშემატკივარი მოედნიდან გაიყვანა.
შეგახსენებთ, რომ აღნიშნული დაპირისპირება საქართველოს ნაკრებმა ხვიჩა კვარაცხელიას დუბლით 2:0 მოიგო.
