საფრანგეთის დედაქალაქ პარიზში მიმდინარე ძიუდოისტთა გრანდ სლემზე 81 კილოგრამ წონით კატეგორიაში მოასპარეზე ტატო გრიგალაშვილმა საქართველოს ნაკრებს მეორე მედალი გაუნაღდა. ახალგაზრდა სპორტსმენმა ნახევარფინალში იაპონელი სოტარო ფუჯივარა ვაზარით დაამარცხა და ფინალის საგზური მოიპოვა.
ტატომ პირველ წრეში დაისვენა, 1/8-ში მონღოლი ბატულგა დაამარცხა, 1/4-ში ფრანგ მეტოქეს დაძაბულ ბრძოლაში სძლია, ნახევარფინალში კი იაპონელი მეტოქეს მოუგო.
მედლის მოპოვების შანსი კიდევ ორ ქართველ ძიუდოისტს ექნება, ლუკა მაისურაძემ რეპეშაჟში ავსტრიის სახელით მოასპარეზე შამილ ბორჩაშვილი დაამარცხა და ბრინჯაოს მედლისთვის ბრძოლის უფლება მოიპოვა, ასევე 100 კილოგრამში მოასპარეზე ონისე სანებლიძემ რეპეშაჟში ფრანგი მეტოქე დაამარცხა და მესამე ადგილისთვის ბრძოლის უფლება მოიპოვა.
ფინალური ბლოკი თბილისის დროით 19:00-ზე დაიწყება, ტატოს მეტოქე ფინალში ტაკეში სასაკი იქნება, ლუკა მაისურაძის და ონისე სანებლიძის მეტოქეთა ვინაობა კი ამ წუთებში ირკვევა.
