NBA-ში მორიგი მატჩი ჩაატარა გოგა ბითაძემ. ქართველი ცენტრის გუნდი დასავლეთ კონფერენციის ლიდერს, „ფენიქს სანსს“ ესტუმრა და 10 ქულის სხვაობით, 113:103 დამარცხდა.
გოგამ შეხვედრა ზედიზედ მეორედ, სასტარტო ხუთეულიდან დაიწყო და მოედანზე თანაგუნდელებისგან ყველაზე მეტი დრო – 35 წუთი და 8 წამი გაატარა. ქართველმა ცენტრმა მწვრთნელის ნდობა ღირსეულად გამოიყენა და მატჩი ორმაგი დუბლით დაასრულა. ამ დროის განმავლობაში 22 წლის კალათბურთელმა 16 ქულა, 11 მოხსნა, 2 შედეგიანი გადაცემა და ერთი დაფარება მოაგროვა. გოგამ 11-დან 6 ორქულიანი და 5-დან 4 საჯარიმო ჩააგდო, ბურთი ერთხელ დაკარგა და მეტოქეზე სამჯერ დაჯარიმდა.
„ინდიანა პეისერსი“ NBA-ს რეგულარულ ჩემპიონატში 17 მოგებითა და 30 მარცხით აღმოსავლეთ კონფერენციაში მე-13 ადგილზეა, შემდეგ მატჩს კი სტუმრად, „ნიუ ორლეან პელიკანსის“ წინააღმდეგ 25 იანვარს გამართავს.
