ისრაელის ქალაქ თელ-ავივში მიმდინარე ძიუდოისტთა გრანდ სლემზე, +100 კილოგრამ წონით კატეგორიაში მოასპარეზე გურამ თუშიშვილი ფინალში გავიდა.
ტოკიოს ოლიმპიადის ვიცე-ჩემპიონმა 1/8 ფინალში ბეხმუროდ ბოლტაბეოვი დაამარცხა, 1/4 ფინალში მონღოლ ერდენეხუს სძლია, ნახევარფინალში კი ტაჯიკი თემურ რახიმოვს მოუგო და ფინალის საგზური მოიპოვა.
საწმუხაროდ, ონისე ბუღაძემ ნახევარფინალი დათმო, თუმცა გამოცდილი სპორტსმენი ბრინჯაოს მედლისთვის იბრძოლებს.
გურამის მსგავსად, 100 კილოგრამ წონით კატეგორიაში მოასპარეზე ილია სულამანიძემ ფინალშია.
ახალგაზრდა სპორტსმენმა 1/8 ფინალში მასპინძელი სტანისლავ ბანჩუკი დაამარცხა, 1/4 ფინალში რუმინელ ედუარდ სერბანს სძლია, ნახევარფინალში ზელიმ კოცოიევთან იმარჯვა და ფინალის საგზური მოიპოვა.
ონისე სანებლიძე კი მესამე ადგილისთვის იბრძოლებს.
გურამ თუშიშვილის მეტოქე ფინალში რაფაელ სილვა იქნება, ილია სულამანიძე კი მაიკლ კორელს დაუპირისპირდება. ფინალურ ბლოკი თბილისის დროით 19:00 საათზე დაიწყება.
