საქართველოს ნაკრების 27 წლის ფეხბურთელმა ბუდუ ზივზივაძემ უნგრეთის ჩემპიონატში “ჰონვედს” გაუტანა. NB 1 ლიგის მე-9 ტურის მატჩში “ფეჰერვარმა” შინ “ჰონვედი” მიიღო და ანგარიშით 2:1 დაამარცხა.
შეხვედრის 25-ე წუთზე გამოცდილმა ბუდუ ზივზივაძემ მშვენიერი დარტყმით მასპინძლები დააწინაურა.
54-ე წუთზე “ფეჰერვარმა” სხვაობა 2-მდე გაზარდა.შეხვედრის მე-60 წუთზე კი სტუმრებმა სხვაობა მინიმუმამდე დაიყვანეს, თუმცა ქულის მოპოვება ვერ შეძლეს. ზივზივაძე მატჩის 88-ე წუთზე ჰეისტერით შეცვალეს.
27 წლის ქართველმა თავდამსხმელმა უნგრეთის ჩემპიონატში 5 შეხვედრაში 2 გოლი გაიტანა.
“ფეჰერვარი” მომდევნო შეხვედრას გიორგი ბერიძის “უიპეშტის” წინააღმდეგ ჩაატარებს.
