GFC-ის წლის პირველი ღონისძიების მეინ ქარდი მიხეილ მესხისა და ჰალილ დოგანის (თურქეთი) დაპირისპირებით დაიწყო და ძალიან სწრაფად, რამდენიმე წამში დამთავრდა – მესხმა თურქი მეტოქე ტექნიკური ნოკაუტით დაამარცხა.
გამარჯვების შემდეგ მესხი მიკროფონთან მივიდა და მაყურებლებს მიმართა: “ყველას დიდ მადლობას გიხდით! მადლობა ორგანიზატორებს, ჩემს გულშემატკივრებს… მინდა, მოვიკითხო მამაჩემი, რომელიც უკრაინაშია. ბებერო მგელო, მაგრად დადექი მანდ უკრაინელ ხალხთან ერთად, Слава Україні!”
აღსანიშნავია, რომ 26 წლის თურქ ჰალილ დოგანს კარიერაში დღემდე მხოლოდ ერთი ჩხუბი ჰქონდა ჩატარებული. ის ანტალიაში გამართულ დუელში მათე სანიკიძესთან დამარცხდა. მესხს ამ ბრძოლამდე 4 გამარჯვება და ერთი მარცხი ჰქონდა (GFC 14-ზე ირანელ მარტინ საფარისთან დამარცხდა).
