16-თვიანი იძულებითი შესვენების შემდეგ, უმცროსი ბორჯღალოსნები 18 ივნისს მოედანზე გავიდნენ და არგენტინელი თანატოლების წინააღმდეგ 20-წლამდელთა საერთაშორისო სერიის პირველ შეხვედრაში დიდი ანგარიშით დამარცხდნენ. საქართველომ, სამხრეთ აფრიკაში, სტელენბოშში გამართული მატჩი 72 ქულით დათმო – 10:82.

არგენტინელებმა 12 ლელოს გატანა მოახერხეს. მათ პირველი ტაიმი 21:3 მოიგეს, მეორე ნახევარში კი კიდევ 61 ქულის აღება შეძლეს. ერთადერთი ლელო საქართველოს მხრიდან გიორგი მაისურაძემ დადო.

უმცროსი ბორჯღალოსნები 23 ივნისს ურუგვაის წინააღმდეგ ითამაშებენ, რის შემდეგაც 28 ივნისს მასპინძელ სამხრეთ აფრიკას დაუპირისპირდებიან.