კალათბურთის ქართველი და არა მარტო, ესპანელი გულშემატკივარიც მიეჩვია, რომ გიორგი შერმადინი თითქმის ყოველ ტურში ან MVP ან როგორც მინიმუმ მატჩის გამორჩეული მოთამაშე ხდება.
ასე იყო ამჯერადაც, როდესაც საქართველოს ნაკრების ცენტრმა ყოფილ გუნდს „ანდორას“ 19 ქულა ჩაუგდო და „ტენერიფეს“ გამარჯვებაში მნიშვნელოვანი წვლილი დაიდო.
„ტენერიფემ“ მეტოქეს მისსავე კედლებში 89:83 მოუგო და „რეალთან“ ერთად სატურნირო ცხრილში გალიდერდა, თუმცა ამდრიდელებს 3 მატჩით ნაკლები აქვთ ჩატარებული.
რაც შეეხება 31 წლის ქართველ კალათბურთელს, მან პარკეტზე თითქმის 25 წუთი გაატარა და ზემოთ აღნიშნულ 19 ქულასთან ერთად, 7 მოხსნა და 3 შედეგიანი გადაცემა მიითვალა.
ACB ლიგამაც, გიორგი შერმადინი სრულიად სამართლიანად აღიარა მატჩის საუკეთესო კალათბურთელად.
