უკრაინელმა სპეციალისტმა, ალექსანდრ ბაბიჩმა გიორგი წიტაიშვილის შესახებ ისაუბრა და აღნიშნა, რომ უკრაინის ნაკრებმა მისი სახით ბევრი დაკარგა.
„ვფიქრობ, რომ დღეს, წიტაიშვილი თავის ასაკობრივ კატეგორიაში ყველაზე ნიჭიერი ფეხბურთელია. მას უკრაინის პრემიერ ლიგაში თამაშის გამოცდილებაც აქვს.
ქართველი გარემარბი იმ კატეგორიის მოთამაშეა, რომელსაც მეტოქის ერთი-ერთზე მოტყუება შეუძლია. ასეთი ტიპის ფეხბურთელი ჩვენს ჩემპიონატში არც ისე ბევრია.
უკრაინის ნაკრებმა მისი სახით ბევრი დაკარგა. გარკვეული პერიოდის შემდეგ, ის ჩვენი ეროვნული გუნდის ფეხბურთელი აუცილებლად გახდებოდა“, – განაცხადა ბაბიჩმა.
