უგულო დიეგო სიმეონე

მადრიდის „ატლეტიკოს“ ქომაგებს საკუთარი გუნდი დიეგო სიმეონეს გარეშე ალბათ ვეღარ წარმოუდგენიათ. არგენტინელი მწვრთნელი „როხიბლანკოს“ ნაწილად იქცა. ყველაფერს რომ თავი დავანებოთ, „ატლეტიკოს“ ნანატრი ესპანეთის ჩემპიონობა მრავალი წლის შემდეგ სწორედ სიმეონემ მოაპოვებინა.

ფილიპე ლუისი მადრიდულ გუნდში 2010-2014 წლებში თამაშობდა. ბრაზილიელი ფეხბურთელი ამჟამად ბურთს სამშობლოში აგორებს. ის „ფლამენგოს“ ღირსებას იცავს.

ფილიპე ლუისმა პოპულარულ Daily Mail-ს ინტერვიუ მისცა, სადაც ის დიეგო სიმეონეს შესახებ საუბრობს და ლამისაა ის დესპოტად შერაცხოს.

„ახლა, მასთან დათისუფლად ვმესიჯობ. ადრე კი ასე არ იყო. რამდენჯერაც მისგან ტელეფონზე ტექსტურ შეტყობინებას მივიღებდი, ეს ჩემთვის სტრესი იყო.

დამიჯერეთ, ითამაშო დიეგო სიმეონეს გუნდში ადვილი ნამდვილად არ არის. მას გული არ აქვს. ის არადროს გეტყვის თბილ სიტყვებს ან გაგამხნევებს“ – ამბობს ფილიპე ლუისი.

ბრაზილიელმა ფეხბურთელმა თავის დროზე „ატლეტიკოსთან“ ერთად 7 ტიტული მოიგო.