ევროპული ფეხბურთის მმართველი ორგანო ჩემპიონთა ლიგის ფორმატის შეცვლაზე ფიქრობს. ამ საკითხთან დაკავშირებით, უეფამ ონლაინ-კონფერენცია გუშინაც ჩაატარა, რომელშიც მონაწილება 55-მა ასოციაციამ მიიღო.
ევროპული მედია იტყობინება, რომ ახალი ფორმატის იდეა ასოციაციის ყველა წევრისთვის მისაღებია და ისინი ფორმატის ცვლილებას მხარს დაუჭერენ.
უფრო დეტალურად რომ გითხრათ, ალექსანდრ ჩეფერინის უწყება 2024 წლისთვის ტურნირზე მონაწილე გუნდების რაოდენობის 32-დან 36-მდე გაზრდას გეგმავს. 8 ჯგუფის მაგივრად იქნება ერთი მთლიანი ჯგუფი, რომელსაც ე.წ. შვეიცარიულ მოდელს უწოდებენ. თითო გუნდი სხვადასხვა კლუბებთან 10 შეხვედრას გამართავს, საუკეთესო 8 გუნდი კი ფლეი-ოფში ავტომატურად გადავა. დანარჩენ 8 საგზურს კი ლიგაში დარჩენილი გუნდები ერთმანეთში გადაითამაშებენ.
