თბილისის „დინამო“ ჩემპიონთა ლიგის ჯგუფური ეტაპისთვის მზადებას განაგრძობს. არ გაიკვირვოთ, წყალბურთზე გვაქვს საუბარი.
ქართველი წყალბურთელები ამ მეტად საპასუხისმგებლო მისიისთვის თბილისში ემზადებიან და მათი პირველი მეტოქე იტალიური „ბრეშა“ იქნება. მათ გარდა, B ჯგუფში თავი მოიყარეს ესპანურმა „ბარსელონეტამ“, გერმანულმა „ჰანოვერმა“, უნგრულმა „ფერენცვაროშმა“ და მონტენეგროულმა „ჯადრანმა“.
სამწუხაროდ, თბილისის „დინამოს“ ვერ დაეხმარება გამოცდილი წყალბურთელი ზუკა რურუა. საქართველოს ნაკრების კაპიტანს კარიერის დროებით შეწყვეტა ტრავმის გამო მოუხდა.
ზუკა რურუამ წყლიდან სამწვრთნელო შტაბში გადაინაცვლა და გუნდს წარმატების მიღწევაში იქიდან დაეხმარება.
„დინამოს“ და „ბრეშას“ დაპირისპირება 15 დეკემბერს გაიმართება. ჯგუფიდან პლეიოფში 4 გუნდი გავა. ასე რომ, ჩვენი გუნდის ამოცანა მინიმუმ ბოლო ადგილის თავიდან აცილება იქნება.
